વધુ એક મોંધવારીનો ઝટકો,અમૂલ બાદ આ ડેરીએ પણ દૂધનાં ભાવમાં કયૉ વધારો..હવે પ્રતિ લિટરે આટલાં ચૂકવવા પડશે..

દેશમાં ડીઝલ-પેટ્રોલની વધતી કિંમતો વચ્ચે દૂધના ભાવમાં પણ વધારો થયો છે. અમૂલ પછી હવે દૂધ કંપની મધર ડેરીએ પણ દૂધના ભાવમાં વધારો કર્યો છે. મધર ડેરીના જુદા જુદા દૂધના વેરિએન્ટમાં બે રૂપિયાનો વધારો થયો છે.હવે મધર ડેરીનું દૂધ ખરીદવા પર ગ્રાહકોને બે રૂપિયા વધુ ચૂકવવા પડશે. નવા દરો આજથી લાગુ થયા છે. ઓઇલ અને વીજળીના ભાવમાં વધારાને કારણે દૂધના ભાવમાં પણ વધારો થયો છે. દૂધના ભાવમાં વધારા પાછળનું આ કારણ હોવાનું કહેવામાં આવી રહ્યું છે.

અમૂલે પણ વધાર્યા ભાવ ;
આ પહેલા 1 જુલાઈથી અમૂલ દૂધના ભાવમાં પણ વધારો થયો હતો. દિલ્હી હોય કે મહારાષ્ટ્ર હોય કે યુપી-ગુજરાત, અમૂલના દૂધ ઉત્પાદનો 1 જુલાઇથી મોંઘા થયા. અમૂલે દોઢ વર્ષ પછી તેના દૂધના ભાવમાં વધારો કર્યો. હવે મધર ડેરીએ પણ ભાવ વધારવાનો નિર્ણય લીધો છે.

આમ આદમીને મોંઘવારીનો માર ;
કોરોના સંકટની વચ્ચે લોકોને જોરદાર મોંઘવારીનો માર પડી રહ્યો છે. તેલના ભાવથી માંડીને બેન્કિંગ ચાર્જમાં પણ વધારો થયો છે. નોંધનીય છે કે પેટ્રોલ અને ડીઝલની કિંમતોમાં સતત વધારો થઈ રહ્યો છે. પેટ્રોલ અને ડીઝલના નવા ભાવ દરરોજ સવારે જારી કરવામાં આવે છે, છેલ્લા મહિનામાં, પેટ્રોલ અને ડીઝલની કિંમતોમાં લગભગ 16 ગણો વધારો કરવામાં આવ્યો હતો. આવી સ્થિતિમાં મોંઘવારીની અસર લોકો માટે મુશ્કેલી બની રહી છે.

આપને જણાવી દઈએ કે મોંઘવારીના કારણે સામાન્ય લોકોની કમર તૂટી ગઈ છે, દૂધ અને તેલ સિવાય, એક વર્ષમાં કરિયાણાની કિંમતમાં પણ 40 ટકાનો વધારો થયો છે. તે જ સમયે, ખાદ્યતેલોના ભાવમાં 50 ટકાનો વધારો થયો છે. તમામ ફાસ્ટ મૂવિંગ કન્ઝ્યુમર ગુડ્ઝ (એફએમસીજી) વિશે વાત કરીએ તો, છેલ્લા એક વર્ષમાં તેમની કિંમતોમાં આશરે 20 ટકાનો વધારો થયો છે.

નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો અસ્મિતા ન્યુઝ ની નવી મોબાઇલ એપ્લિકેશન જેની લીંક નીચે આપેલ છે.

https://play.google.com/store/apps/details?id=com.asmita.asmita_news