પોલીસમાં નોકરી કરવા માંગતા યુવાનોને માટે ખુશખબરી, 7000થી વધુ પદો પર થશે ભરતી

પોલીસમાં ભરતી થવા માગતા યુવાનો માટે મોટા સમાચાર આવ્યા છે. જેમાં રાજ્ય પોલીસના મહેકમમાં વધારો કરવાનો રાજ્ય સરકારે નિર્ણય કર્યો છે. પોલીસ દળમાં 7610 જગ્યાઓ પર ભરતીની મંજૂરી આપવામાં આવી છે. ગૃહ વિભાગે જગ્યાઓને મંજૂરી કરતો પત્ર રજૂ કર્યો છે.

પોલીસ ભરતીને લઈને રાજ્ય સરકારે મોટો નિર્ણય લીધો છે. રાજ્ય સરકારે પોલીસ દળમાં 7,610 કર્મીઓની ભરતીની મંજૂરી આપી છે. આ ઉપરાંત મહેકમમાં પણ વધારો કરવામાં આવ્યો છે. ગૃહમંત્રાલયની બેઠકમાં આ નિર્ણય લેવામાં આવ્યો.

નોંધનિય છે કે, રાજ્યમાં લોકડાઉન પહેલા ભરતી પ્રક્રિયાને લઈને ઘણા ઉમેદવારોએ આંદોલન પણ કરી ચુક્યા છે. રાજ્ય સરાકારના આ નિર્ણયથી પોલીસમાં ભરતી થવા માગતા યુવાનો માટે આ સોનેરી તક છે.

ગુજરાતમાં ભરતી પ્રક્રિયા છેલ્લા ઘણા સમયથી અટકી પડી છે ત્યારે CMના મતે આગામી 5 માસમાં 20 હજાર પોસ્ટ માટે સીધી ભરતી કરવામાં આવશે ત્યારે કોંગ્રેસે આંકડા રજુ કરી રહ્યું છે કે, રાજ્યમાં 18 હજારથી વધારે પદ એવા છે. જેમાં પરીક્ષા માટે ફોર્મ ભરાઈ ગયા પરંતુ અલગ અલગ કારણોસર સરકાર ભરતી કરતી નથી અને ફોર્મ ભરાવવા માટે જ સરકારે 100 કરોડ જેટલી રકમ ઉઘરાવી લીધી છે. આ રૂપિયા ક્યાં વાપર્યા તેનો હિસાબ સરકારે આપવો જોઈએ

બીજી બાજુ ભાજપે પણ કોંગ્રેસ પર પ્રહાર કર્યો અને કહ્યું છે કે, ભાજપ સરકારમાં 1 લાખથી વધારે પદ માટે ભરતી થઇ છે તો આગામી 5 માસમાં 20 હજાર સીધી ભરતી કરવામાં આવશે અને એજ રીતે આગામી વર્ષમાં પણ ભરતી પ્રક્રિયા ચાલુ જ રહેશે.

 

નીચે આપેલી લીંક પર ક્લિક કરીને જોડાઓ અસ્મિતા ન્યુઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો અસ્મિતા ન્યુઝ ની નવી મોબાઇલ એપ્લિકેશન જેની લીંક નીચે આપેલ છે.

https://play.google.com/store/apps/details?id=com.asmita.asmita_news